اسلام آباد۔27مارچ (اے پی پی) اینٹی نارکاٹکس فورس (اے این ایف )دے ہیڈ کوارٹر راولپنڈی اچ انٹر ایجنسی ٹاسک فورس دا اجلاس تھئے جیں اچ تعلیمی اداریں اچ منشیات کھنڈݨ تے انسداد منشیات دے اقدامات تے غور کیتا ڳئے ۔اے این ایف ہیڈکوارٹرراولپنڈی توں جاری بیان موجب تعلیمی اداریں اچ منشیات دے ودھدے رجحان اتے انسداد منشیات دے اقدامات تے 18 ویں انٹر ایجنسی ٹاسک فورس (آئی اے ٹی ایف) دا اجلاس گزریل ݙینھ ہیڈکوارٹر اینٹی نارکوٹکس فورس راولپنڈی اچ میجر جنرل عبدالمعید ڈائریکٹر جنرل انسداد منشیات فورس دی سربراہی اچ تھیا جیں اچ وفاقی اتے صوبائی قانون نافذ کرݨ آلے اداریں ، انٹیلی جنس سیٹ اپ اتے متعلقہ سرکاری محکمیں دے سینئر افسراں شرکت کیتی ۔ اجلاس دا مقصد تعلیمی اداریں اچ منشیات دی سپلائی اتے اداریں دی انتظامیہ دی طرفوں ایندا مقابلہ کرݨ دے اقدامات دا جائزہ گھنݨ ہئی ۔ ایجنڈے تے متعلقہ ایجنسیاں تے محکمیں دے نمائندیں دی طرفوں جامعہ بریفنگ ݙتی ڳئی جیں اچ مسئلے دی بنیادی وجوہات اتے پالیسی دے نفاذ اچ پیش آندے خلا کوں اجاگر کیتا ڳئے ھکے ویلھے اڳوں ودھݨ دے طریقے تے بحث کیتی ڳئی ،منشیات توں پاک تعلیمی اداریں سانڳے ھک مکمل مہم دا منصوبہ اے این ایف پیش کیتا جیں تے ڳالھ مہاڑ کیتی ڳئی اے۔
.jpg)
