اسلام آباد۔5مارچ (اے پی پی):وزیراعظم عمران خان آسٹریلیا دے سابق سپنرشین وارن دے انتقال تے ݙکھ دا اظہار کیتے ، اتوار کوں ھک ٹویٹ اچ وزیراعظم آکھیے جو دنیائے کرکٹ اچ آنجہانی جینئیس لیگ سپنر،جنہاں لیگ سپننگ دی آرٹ کوں نویں بلندیاں تئیں پڄایا، دی کمی محسوس تھیسی۔وزیراعظم آکھیے جو کرکٹر شین وارن دے اچانک انتقال توں انہاں کوں ݙکھ تھئے ۔ شین وارن ھک جینئیس بائولرہن تے انہاں لیگ سپننگ دی آرٹ کوں نویں اچائی تے پڄایا ۔دنیائے کرکٹ اچ انہاں دی کمی محسوس تھیسی ۔52 سالہ شین وارن ھک ݙینھ پہلے تھائی لینڈ دے علاقہ کوہ سموئی اچ ، جتھاں او چھٹیاں منیندے پئن ، دل دادورہ پووݨ توں انتقال کرڳئے ہن ۔ او وزدین دی صدی دے پنج بہترین کرکٹرزاچ شامل ہن۔ آنجہانی ون ڈے میچاں اچ 293 اتے ٹیسٹ کرکٹ اچ 708وکٹاں ڳھدیاں جیڑھے جو لیگ سپننگ دی موجودہ فارمیٹ اچ ساریں توں ودھ ہن ، انہاں ٹیسٹ کرکٹ داآغاز1992 اچ بھارت دے خلاف کیتا ہئی ۔
.jpg)
