اسلام آباد۔13اکتوبر (اے پی پی):وزیر خارجہ مخدوم شاہ محمود قریشی ‘ عالمی برادری تے زور ڈتے جو عالمی برادری کشمیر دے مسئلے دے مستقل حل سانگے اپنڑاں کردار ادا کرے۔اے گالھ انہاں پاکستان اچ برطانوی ہائی کمشنر ڈاکٹر کرسچین ٹرنر نال گالھ مہاڑ کریندیں ہوئیں آکھی جنہاں منگل کوں وزارت خارجہ اچ انہاں نال ملاقات کیتی۔ملاقات اچ ڈو پاسہ تعلقات،کورونا وائرس دی وبا سودھے آپسی دلچسپی دے معاملے تے گالھ مہاڑ کیتی گئی ۔وزیرخارجہ آکھیا جو پاکستان اتے برطانیہ وچال پرانڑے اتے گھاٹے تعلقات ہن۔برطانیہ،پاکستان دا اہم تجارتی سانجے داراے اتے اساں ایں سانجھے داری کوں ودھاونڑ چاہندوں۔برطانوی ہائی کمشنر کرسچین ٹرنر پاکستان دے سیاحتی جہیں دی تعریف کریندیں ہوئیں اپنڑے اجوکے دورہ شمالی علاقہ جات بارے وزیرخارجہ کوں ڈسیا۔
.jpg)
