آستانه – 21 – مئي (اي پي پي) پاڪستان ۽ تاجڪستان ٻنهي ملڪن ۽ وسيع تر خطي جي گڏيل مفاد ۽ علائقائي هم آهنگي جي لاءِ ڪاسا – 1000 ۽ رابطاڪاري جي ٻين منصوبن تي جلد عملدرآمد جي لاءِ زور ڏنو آهي. نائب وزيراعظم ۽ پرڏيهي وزير اسحاق ڊار ۽ تاجڪستان جي پرڏيهي وزير سراج الدين مهردين جي وچ ۾ 20 کان 21 مئي تائين ٿيندڙ شنگهائي تعاون تنظيم جي پرڏيهي وزيرن واري ڪائونسل جي اجلاس جي موقعي تي ملاقات ۾ ٻطرفن لاڳاپن ۽ منصوبن تي خيالن جي ڏي وٺ ڪئي وئي. ٻنهي پرڏيهي وزيرن ٻطرفي تعاون ۽ اعليٰ سطح جي ڳالهين کي وڌيڪ سگهه ڏيڻ جي عزم جو ورجاءُ ڪيو.
