اسلام آباد – 04 اپريل (اي پي پي) صدر ڊاڪٽر عارف علوي چيو آهي ته ڪشمير جي مسئلي تي پوري مسلمان امت متحد آهي، آزادي جي تحريڪن کي طاقت جي زور تي دٻائي نه ٿو سگهجي، والاريل ڪشمير جي ماڻهن کي خودمختياري جو حق ڏياڻ جي لاءِ گڏيل قومون پنهنجو ڪردار ادا ڪن، اسان کي جمهوريت ۽ انسانيت جو درس ڏيندڙن کي خبر هجڻ گهرجي ته انسانيت اسان جي ميراث آهي، پاڪستان ڀارت سان تازي ڇڪتاڻ ۾ اخلاقي فتح حاصل ڪئي، ثقافتي ورثي جو تحفظ ۽ واڌويجهه ايندڙ نسلن کي پنهنجي تاريخ کان آگاهه رکڻ جي لاءِ ضروري آهي. هو ڪشميري ثقافت، ورثي ۽ اسلامي تاريخ جي موضوع تي ٻن ڏينهن واري ڪانگريس جي افتتاحي سيشن کي خطاب ڪري رهيو هو.