دوحه -20 مارچ (اي پي پي) قطر جي پرڏيهي وزارت جي ترجمان ماجد الانصاري چيو آهي، ته هو غزه جنگ بندي جي حوالي سان هلندڙ ڳالهين بابت محتاط طور پراميد آهي. رپورٽن مطابق ماجد الانصاري هڪ پريس ڪانفرنس ۾ چيو ته ڳالهين ۾ ڪنهن اڳڀرائي بابت ڳالهائڻ وقت کان اڳ هوندو، اهو نه ٿو چئي سگهجي ته جلد ڪو معاهدو طي ٿيندو پر محتاط اميد موجود آهي، ڪنهن ڪاميابي جو اعلان نٿا ڪري سگهون ۽ نه ئي وري اسان اميد جو دامن ڇڏيون ٿا،هن اميد ظاهر ڪئي ته ايندڙ اجلاسن م ڳالهيون ٿينديون. هن چيو ته ڳالهين جو عمل ٻيهر شروع ڪيو ويو آهي ۽ معمول مطابق اڳيان وڌي رهيو آهي، ڳالهين ۾ شامل ڌريون سخت محنت ڪري رهيون آهن.