اسلام آباد۔12اکتوبر(اے پی پی) وفاقی وزیر منصوبہ بندی ، ترقی ، اصلاحات و خصوصی اقدامات اتے سربراہ این ایف آر سی سی پروفیسر احسن اقبال ہدایت کیتی اے جو سیلاب آلے علاقیں اچ جتھاں موسم ٹھر ڳئے اتھاں متاثرہ لوکاں کیتے گرم کپڑیں تے لحاف دی فراہمی یقینی بݨائی ونڄے اے ہدایت انہاں ٻدھ کوں این ایف آر سی سی اچ آپݨی صدارت اچ تھیوݨ آلے اجلاس اچ ݙتی اے۔ ایں موقع تے این ڈے ایم اے اتے صوبائی حکام بریفنگ ݙتی۔ اجلاس اچ وفاقی وزیر ہدایت کیتی جو سیلاب آلے علاقیں اچ جتھاں موسم ٹھڈا اے اتھاں متاثرہ لوکاں کیتے گرم کپڑیں تے لحاف دی فراہمی یقینی بݨائی ونڄے ، انہاں سیلاب توں متاثرہ کساناں کوں بلا سود قرضے ݙیوݨ دی ہدایت کیتی تاں جو او آپݨی فصل ول تیار کرسڳن۔وفاقی وزیر فصلاں دی کاشت کیتے مشینری دی خریداری کیتے متعلقہ حکام کوں وختی لائحہ عمل تیار کرݨ دی ہدایت کیتی اے ، اجلاس اچ وزارت خوارک کوں ایں حوالے نال وختی بریفنگ دی ہدایت کیتی ڳئی اے ۔
.jpg)