اسلام آباد – 01 – جولاءِ (اي پي پي) وزيراعظم شهباز شريف 6.1 ٽريلين ٽيڪس وصولي جو هدف حاصل ڪرڻ تي ايف بي آر جي ڪارڪردگي کي ساراهيو آهي. هڪ ٽوئيٽ ۾ وزيراعظم چيو ته ايف بي آر جي ڪارڪردگي ٻين وزارتن جي لاءِ ڪارڪردگي ڏيکاريڻ جو هڪ سٺو مثال آهي. وزيراعظم ناڻي واري وزير مفتاح اسماعيل، ناڻي واري مملڪتي وزير ڊاڪٽر عائشه غوث پاشا، ايف بي آر چيئرمين ۽ ان جي ٽيم کي پڻ مبارڪباد ڏني ۽ چيو ته اسان کي ان کان به وڌيڪ اوڳاڙيون گڏ ڪرڻيون آهن.
