اسلام آباد۔26اگست(اے پی پی) وزیراعظم محمد شہباز شریف بلوچستان دے مختلف علاقیں اچ دہشت گرداں دے خلاف آپریشنز دے دوران جام شہادت نوش کرݨ آلے سیکیورٹی فورسز دے نینگراں کوں خراج عقیدت پیش کریندے آکھیے دہشت گرداں دی بزدلانہ کارروائیاں ساݙے عزم کوں متزلزل نی کرسڳدیاں ۔ وزیراعظم آفس دے میڈیا ونگ توں جاری بیان موجب وزیراعظم محمد شہباز شریف آکھیے سکیورٹی فورسز دی وختی کارروائیاں دہشت گرداں دے عزائم کوں مٹی اچ رلائے،پوری قوم اپݨی بہادر سکیورٹی فورسز دے رلے کھڑی اے ، انھاں آکھیے اساں شہداء دی لازوال قربانیاں کوں سلام پیش کریندوں ،ہر قسم دی دہشت گردی کوں منڈھوں مکا ݙیسوں ،دہشت گرداں دی بزدلانہ کارروائیاں ساݙے عزم کوں متزلزل نی کرسڳدیاں ۔ وزیراعظم شہداء دے اُچے درجات دی دعا منڳی تے انہاں دےخانداناں نال تعزیت کیتی
