اسلام آباد۔4اگست (اے پی پی) وزیراعظم محمد شہباز شریف آکھیا جو پاکستان سیاحاں کیتے ہک بے مثال ملک اے، ای پورٹل پوری دنیا توں سیاحاں دی پاکستان اچ دلچسپی ودھاوݨ اچ معاون ثابت تھیسی۔ پاکستان اچ بے شمار سیاحتی جہیں ہن اتے خصوصی طور ملک دے شمالی علاقیاں دے قدرتی نظارے بے مثال ہن۔ اے ڳالھیں وزیراعظم محمد شہباز شریف جمعے کوں ’’سلام پاکستان‘‘ برانڈ اتے ای پورٹل دی افتتاحی تقریب توں خطاب کریندیں ہوئیں آکھی۔ انہاں آکھیا جو تقریب اچ شرکت کر تے خوشی تھئی اے۔ ملک اچ سیاحت دے شعبے دی ترقی اتے ودھارے کیتے مشیر وزیراعظم عون چوہدری اتے انہاں دی ٹیم دی کوششاں قابل تعریف ہن۔ وزیراعظم غیرملکی سفیراں اتے سفارتی برادری دی تقریب اچ شرکت دا خیر مقدم کریندیں ہوئیں دعا کیتی جو اللہ تعالیٰ ملک اچ سیاحت، ثقافت تاریخی ورثہ اتے دستکاریاں دے شعبے دی ترقی کیتے ’’سلام پاکستان‘‘برانڈ اتے ای پورٹل کوں کامیابیاں نال نوازیے۔
