اسلام آباد ۔ 12 جون (اے پی پی) آندے مالی سال 2020-21ءدے سرکاری شعبہ دے ترقیاتی پروگرام (پی ایس ڈی پی) دے تحت حکومت انسانی حقوق ڈویژن دے جاری اتے نویں منصوبیاں کیتے کل 256 ملین روپے مختص کیتن جیندے اچ 8 جاری ترقیاتی منصوبیاں کیتے 168 ملین روپے اتے نویں منصوبیاں کیتے 88 ملین روپے دے فنڈزرکھین۔جاری منصوبیاں اچ ویمن ہیومن رائٹس انفارمیشن مینجمنٹ سسٹم سانگے 24 ملین روپے، آرتھو پیڈک ورکشاپ نیشنل سپیشل ایجوکیشن سینٹر فار فزیکلی ہینڈی کیپڈ چلڈرن کیتے 6.5 ملین روپے، ریسورس یونٹ فار آرٹسٹک چلڈرن نیشنل سپیشل ایجوکیش سنٹر فار مینٹلی ریٹارٹیڈ چلڈرن کیتے 18.5 ملین روپے، ہیومن رائٹس آگاہی پروگراماں کیتے 14 ملین روپے، ایکشن پلان فار ہیومن رائٹس دے منصوبہ کیتے 23 ملین روپے، انسانی حقوق دی وزارت کوں مستحکم کرنڑ کیتے 35 ملین روپے، لاہور، کراچی، پشاور تے کوئٹہ دے ریجنل ڈائریکٹوریٹ کیتے 30 ملین روپے اتے اسلام آباداچ نیشنل سپیشل ایجوکیشن سنٹر دی اپ گریڈیشن کیتے 17 ملین روپے رکھین۔وزارت دے 6 نویں ترقیاتی منصوبیاں ہیومن رائٹس کوآرڈینیشن اینڈ مانیٹرنگ کیتے 20 ملین روپے، اسلام آباداچ بالاں اچ بحالی معذوری سنٹر سانگے 15 ملین روپے، خیبرپختونخوا اچ سب ڈائریکٹوریٹ کیتے 3 ملین روپے، اسلام آباداچ تحفظ خواجہ سراسنٹر کیتے 20 ملین روپے، اسلام آباد دے سرکاری اتے پرائیویٹ سکولاں اچ معذور بالاں دے منصوبہ کیتے 12 ملین روپے اتے اسلام آباد اچ نیشنل سپیشل ایجوکیشن سنٹر دی اپ گریڈیشن کیتے 18 ملین روپے رکھیے گین۔
