اسلام آباد ۔ 21 مارچ (اے پی پی) صدر مملکت ممنون حسین ایئر چیف مجاہد انور خان کوں نشان امتیاز ملٹری عطاءکرڈتے۔ایوان صدر اسلام آباد اچ تھیونڑ آلی تقریب اچ صدر مملکت ایئر چیف مارشل مجاہد انور خان کوں پاک فضائیہ دی کمان سنبھالنڑ تے مبارکباد ڈتی۔صدر مملکت پاک فضائیہ دے سربراہ نال ملاقات وی کیتی اتے توقع کیتی جو ایئرچیف مجاہد انور دی اگوانڑی اچ پاک فضائیہ دے معیار اتے پیشہ وارانہ صلاحیتاں اچ بیا ودھارا تھیسی۔ تقریب اچ وفاقی وزیر دفاع انجینئر خرم دستگیر خان، وزیر دفاعی پیداوار رانا تنویر حسین، وزیرسیفران لیفٹیننٹ جنرل (ر) عبدالقادر بلوچ، جوائنٹ چیفس آف سٹاف کمیٹی دے سربراہ جنرل زبیر محمود حیات اتے پاک بحریہ دے سربراہ ایڈمرل ظفر محمود عباسی دے نال نال بئے حکام وی موجود ہن۔
