لاہور۔30اگست(اے پی پی) وزیراوقاف و مذہبی امور، ہائوسنگ اتے زکوۃ عشر پنجاب بیرسٹر سید اظفر علی ناصر آکھیے حضرت داتا گنج بخش دا 980 واں عرس مبارک اڄوکے سال وی شایان شان طریقے نال منایا ویسی ، اے 18 توں 20 صفر المظفر 1445 ہجری بمطابق 05 توں 07 ستمبر آستانہ عالیہ داتا گنج بخش تے منعقد ہوسی، وزیر اعلیٰ دی خصوصی ہدایت تے عرس بارے سکیورٹی دے فول پروف انتظامات کیتے ڳن۔ اے ڳالھ انہاں سیکرٹری اوقاف ڈاکٹر سید طاہر رضا بخاری اتے ڈائریکٹر جنرل مذہبی امور آصف علی فرخ دے رلے اتھاں ھک س??نجھی مشترکہ پریس کانفرنس اچ آکھی اے ۔ انہاں ݙسائے عرس دی تقریبات دا باقاعدہ آغاز 05 ستمبر کوں ݙینھ 11 وڄے رسم چادر پوشی نال تھیسی جیں توں بعد حسب روایت کھیر دی ??بی?? دا افتتاح کیتا ویسی ۔ انہاں آکھیے حضرت داتا گنج بخش دے علمی تے روحانی فیوض و برکات دی ترویج و تبلیغ کیتے “معارف سید ہجویر” اتے “تسہیل کشف المعجوب” ݙو کتاباں دی خصوصی اشاعت دا اہتمام وی کیتا ڳئے ، وزیر اعلی محسن ??قوی انہاں ݙوہیں تصانیف دی رونمائی کریسن ۔ عرس دے موقع تے دینی و روحانی محفل اتے علمی نشستاں اچ 500 توں ودھ علما و مشائخ، سجادگان، قرا اتے نعت خوان حضرات کوں سݙیا ڳئے۔
