اسلام آباد۔28دسمبر(اے پی پی)ایں سیزن ملکی لوڑھ پوری کرݨ کیتے پچھلے دے مقابلے اچ 17.6 فیصد یوریا موجود اے، وفاقی حکومت صوبائی حکومتاں نال رل تے مانیٹرنگ دا ہک مربوط نظام ٻݨائے، ججیندے نال یوریا دی ونݙ بہتر تھیسی، فرٹیلائزر پلانٹس کولو 65 ہزار میٹرک ٹن یوریا اے، بین الاقوامی سطح تے یوریا دا ملھ ودھݨ دے باوجود پاکستان اچ پیداوار ودھی اے اتے ملھ ڳھٹیے، کوشش اے جو یوریا دی ذخیرہ اندوزی اتے بلیک مارکیٹنگ ڳھٹے، کاشتکاراں کوں فیدہ ݙیوݨ کیتے وفاقی حکومت موثر اتے منظم حکمت عملی نال کم کریندی پئی اے، ایں سیزن 28.9 ??لی?? ٹن کݨک دی پیداوار دا ہدف رکھیے ڄیڑھا پچھلے سال 27.5 ??لی?? ٹن ھا، ملک اچ کݨک دی کاشت دا 95 فیصد ہدف پورا کیتے جیندے کیتے ??صد??ق شدہ بیج اتے معیاری زرعی ادویات یقینی ٻݨائن۔ اے ڳالھیں وفاقی وزیر برائے غذائی تحفظ و تحقیق سید فخر امام اتے وزیر برائے صنعت و پیداوار خسرو بختیار پریس کانفرنس اچ آکھین۔ سید فخر امام آکھیے جو حکومت زرعی شعبے دی ترقی تے ودھ توجہ ݙیندی پئی اے، کݨک ایں سیزن اچ کل ہدف اچوں پنجاب 21 ??لی?? ٹن ڄفآں جو سندھ 4 ??لی?? ٹن پیدا کریسی، باقی پیداوار خیبرپختونخوا اتے بلوچستان توں تھیسی۔ آندے مہینے نہراں دی بھل صفائی شروع تھی ویسی، یوریا دی کوئی قلت کائنی، ایں سانڳے حکومت ودھ اقدامات کیتن، کاشتکاراں کیتے کھاد، بیج اتے زرعی ادویات دا معیار یقینی ٻݨایا ویندا پئے، ملک اچ کݨک اتے اٹے دی کوئی ت??وڑ کائنی۔ ایں موقع تے وفاقی وزیر برائے صنعت و پیداوار خسرو بختیار آکھیا جو یوریا دی مناسب ترسیل کیتے نگرانی دا موثر نظام ٻݨائے، حکومت دی کوشش اے جو کاشتکاراں دے سوکھ کیتے سارے زرعی مداخل دی ویلھے تے فراہمی ممکن تھیوے، وزارت نیشنل فوڈ سیکورٹی، محکمہ موسمیات اتے ٻئے ادارے رابطے اچ ہین، حکومت قیمتاں کوں ہتھیکے رکھݨ کیتے عملی اقدامات کریندی پئی اے۔
