راولپنڈی۔10نومبر(اے پی پی) شمالی وزیرستان دے ضلع اسپن وام دے علاقے اچ سکیورٹی فورسز خوارج دی موجودگی دی اطلاع تے خفیہ معلومات تے مبنی آپریشن (آئی بی او) اچ 6 خوارج دہشت گرداں کوں ہلاک کرݙتے جݙاں جو 6 خوارج زخمی تھی ڳئن۔ انٹر سروسز پبلک ریلیشنز (آئی ایس پی آر) دی پریس ریلیز اچ آکھیا ڳئے جو آپریشن اچ آپݨے دستیں مؤثر طریقے نال خوارج دی جاہ ڳولی ، جیں دے نتیجے اچ 6 خوارج کوں جہنم واصل کرݙتا ڳئے جݙاں جو 6 ٻئے خوارج زخمی تھی ڳئن ۔ہلاک تھیوݨ آلے خوارج دے قبضے توں اسلحہ اتے گولہ بارود وی برآمد تھئے، جیڑھے جو سکیورٹی فورسز دے خلاف دہشت گردی دی ٻہوں کاروائیاں دے نال نال نشوم شہریاں دے قتل اچ وی سرگرم رہیے ۔ آئی ایس پی آر مزید آکھیے علاقے اچ پاتے ونڄݨ آلے کہیں وی ݙوجھے خارجی کوں مکاوݨ سانڳے سینیٹائزیشن آپریشن کیتا ویندا پئے ،پاکستان دی سکیورٹی فورسز ملک توں دہشت گردی دی لعنت کوں منڈھوں مکاوݨ سانڳے پرعزم اے۔
