اسلام آباد – 17 – جون (اي پي پي) صدر ڊاڪٽر عارف علوي چيو آهي ته ننڍن ڊيمن جي تعمير سميت ٻين قدمن جي ذريعي پاڻي محفوظ ڪرڻ جي ذريعن ۾ اضافو ڪري پاڻي کوٽ کي منهن ڏئي سگهجي ٿو، پاڪستان پاڻي جي کوٽ کي منهن ڏيڻ لاءِ ڪيترائي قدم کڻي رهيو آهي، اسان کي پنهنجي خوراڪ جي تحفظ کي يقيني بڻائڻ لاءِ پوري دنيا خاص طور تي علائقائي ملڪن سان گڏجي ڪم ڪرڻ جي ضرورت آهي. اهڙن خيالن جو اظهار هن صحرا ۽ ڏڪار کي منهن ڏيڻ جي عالمي ڏينهن جي موقعي تي پنهنجي پيغام ۾ ڪيو. صدر چيو ته هلندڙ سال صحرا ۽ ڏڪار جي ڏينهن جو موضوع ڏڪار کي گڏجي منهن ڏيڻ آهي، ان سان ڏڪار جو شڪار ملڪن کي متحد ٿيڻ لاءِ هڪ مضبوط پيغام ملندو، هي گهراڻن، برادرين، نجي شعبي ۽ ملڪن کي ڏڪار جي فوري اثرن کي منهن ڏيڻ ۽ ڊگهي مدي واري همت پيدا ڪرڻ لاءِ گڏجي ڪم ڪرڻ جي پنهنجي عزم جو ورجاءُ ڪرڻ جو ڏينهن آهي، هن چيو ته پاڪستان سميت سڄي دنيا جا ڪيترائي ملڪ موسمياتي تبديلين، ٻيلن جي واڍي ۽ ٻنين ۽ گاهه جي ميدانن جي وڌيڪ استحصال جي ڪري وقفي وقفي سان گهٽ ۽ غير متوقع برساتن کي منهن ڏئي رهيا آهن جيڪو فصلن ۾ گهٽتائي، پاڻي ۽ زمين جي کوٽ ۽ واڌ ويجهه جي شرح ۾ گهٽتائي جي ڪري آهي، صدر چيو ته ڏڪار جي اثرن کي پاڻي جي وسيلن ۾ اضافو ڪري گهٽ ڪري سگهجي ٿو جهڙوڪ ننڍا ڊيم، تلاءَ ۽ کوهه، پاڻي جي مناسب ورڇ، چراگاهن جي بحالي، وڻڪاري جي ذريعي مٽي جي پاڻي ک?? برقرار رکڻ جي صلاحيت کي بحال ڪرڻ، دريائن جي ڪنارن جي حفاظت، ڏڪار برداشت ڪرڻ ۽ فصلن طرف منتقل ٿيڻ ۽ ڪمزور چراهگاهن کان جانورن جي چرپر شامل آهن. هن چيو ته اسان کي وفاقي ۽ صوبائي سطح تي ڏڪار کي منهن ڏيڻ لاءِ مضبوط پاليسيون اختيار ڪرڻ جي ضرورت آهي، ڏڪار کي منهن ڏيڻ لاءِ منظم ۽ جامع ايڪشن پلان شروع ڪرڻو پو??دو، ڏڪار کي منهن ڏيڻ جي جامع حڪمت عملين تي عملدرآمد ڪرڻو پو??دو، پاڻي ۾ ٻيهر اضافي جي ذريعي پاڻي جي حفاظت کي بهتر بڻائڻو پو??دو، پاڻي جا وڌيڪ ذخيرا بڻائڻا پو??دا، پاڻي جي دستيابي کي يقيني بڻائڻو پو??دو ۽ سڄي ملڪ ۾ ٻيلن جي زمين کي وڌائڻو پو??دو. صدر ان ڳالهه تي خوشي جو اظهار ڪيو ته پاڪستان پاڻي جي کوٽ جي اثرن کي گهٽ ڪرڻ لاءِ ڪيترن ئي شعبن ۾ ڪم ڪري رهيو آهي جنهن ۾ صحرائي ۽ ڏڪار جو شڪار عل??ئق?? ۾ 10 هيڪٽر رقبي تي 3.29 ارب ٻوٽا لڳائڻ جي قومي سطح جي پروگرام شامل آهي، قدرتي نباتات ۽ حيوانات جي تحفظ لاءِ محفوظ عل??ئق?? قدم ۽ 2030ع تائين رضاڪاراڻي لينڊ ڊيگريڊيشن نيوٽلرٽي (ايل ڊي اين) جي هدفن کي حاصل ڪرڻ لاءِ هر ممڪن ڪوششون ڪري رهيو آهي، هن چيو ته اسان کي پنهنجي خوراڪ جو تحفظ يقيني بڻائڻ، دنيا کي پاڻي جي کوٽ کان بچائڻ لاءِ علائقائي ملڪن خاص طور تي باقي دنيا سان گڏجي ڪم ڪرڻ جي ضرورت آهي.
