اسلام آباد – 21 – مارچ (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته جڏهن پاڪستان ٺهيو هو ته صرف هڪ يونيورسٽي هئي، اڄ ٻه سئو کان وڌيڪ يونيورسٽيون آهن، قيام پاڪستان جي وقت لکين ماڻهو لڏپلاڻ ڪري پاڪستان آيا، مشڪل حالتن ۾ قيام پاڪستان جو سفر شروع ٿيو، الحمد الله 75 سالن جي مختصر عرصي ۾ اڄ اسان دنيا جي ستين جوهري قوت آهيون، پاڪستان جي فوج دنيا جي ڇهين وڏي فوج آهي، اسان جو نهري نظام دنيا جي وڏن نهري نظامن ۾ شامل آهي، ڪا به طاقت پاڪستان کي ختم نٿي ڪري سگهي، پاڪستان سدائين قائم ۽ دائم رهندو، پاڪستان جي 75 هين قومي ڏينهن جي موقعي تي او آءِ سي پرڏيهي وزيرن جي ڪانفرنس جهڙي وڏي ايونٽ جي انعقاد تي پاڪستاني قوم کي مبارڪباد پيش ڪريان ٿو. اهڙن خيالن جو اظهار هن پاڪستان ڏهاڙي جي حوالي سان ڊجيٽل فوٽو گرافي ۽ پينٽنگ نمائش کي خصوصي مهمان جي حيثيت سان خطاب ڪندي ڪيو، وفاقي وزير چيو ته قيام پاڪستان جي وقت صحت جون سهولتون ناڪافي هيون، پنج يا ست وڏيون اسپتالون هيون، اڄ الحمد الله پاڪستان جي هر ظلعي ۾ اسپتالن جو نيٽ ورڪ موجود آهي، هن چيو ته جڏهن پاڪستان ٺهيو ته وڏي تعداد ۾ ماڻهو لڏپلاڻ ڪري پاڪستان آيا، ايتري وڏي تعداد کي سنڀالڻ هڪ مشڪل مرحلو هو، مشڪل هالتن ۾ قيام پاڪستان جو سفر شروع ٿيو، اڄ 75 سالن کانپوءِ پاڪستان دنيا جي ستين جوهري طاهقت آهي، پاڪستان جي فوج دنيا جي ڇهين وڏي فوج آهي، پاڪستان جو نهري نظام دنيا جي وڏن نهري نظامن ۾ شامل آهي، هن چيو ته دنيا جي لاءِ اسان جي خدمتن جو ڪو به جوڙ نه آهي، پاڪستاني نوجوانن دنيا جي لاءِ بي مثال ڪردار ادا ڪيو، هن چيو ته 2018ع ۾ فيسز آف پاڪستان ڪتاب جاري ڪئي وئي جنهن ۾ پاڪستان جي خوبصورتي ڏيکاري وئي هئي، اڄ ان ڪتاب کي ڊجيٽلائيز ڪيو ويو آهي، ان ڪتاب ۾ قائداعظم جي تصويرن کي اپ گريڊ ڪري پيش ڪيو ويو آهي، اطلاعات واري وزارت پاران جاري ڪيل ان خوبصورر ڪتاب ۾ پهريون ڀيرو سب ٽائيٽلز سان تصويرون دستياب آهن، هن چيو ته قائداعظم محمد علي جناح جي تقريرن جو هڪ مستند ورزن به آڻي رهيا آهيون ته جيئن ان کي مناسب طريقي سان ترتيب ڏئي سگهجي، هن چيو ته پاڪستان جي 75 هين قومي ڏينهن جي موقعي تي او آءِ سي جي پرڏيهي وزيرن جي ڪانفرنس ٿي رهي آهي، مسلمان ملڪن جا پرڏيهي وزيرن پاڪستان اچي رهيا آهن. او آءِ سي پرڏيهي وزيرن جي ڪانفرنس عالمي سطح تي هڪ وڏو ايونٽ آهي جيڪو پاڪستان منعقد ڪري رهيو آهي، ان ايونٽ جي انعقاد تي قوم کي مبارڪباد پيش ڪريان ٿو، وفاقي وزير چيو ته قائداعظم چيو هو ته ڪا به طاقت پاڪستان کي ختم نٿي ڪري سگهي، پاڪستان سدائين قائم ۽ دائم رهندو.
.jpg)
