اسلام آباد – پهرين جنوري (اي پي پي) نيشنل ڪمانڊ اينڊ آپريشن سينٽر (اين سي او سي) چيو آهي ته گذريل 24 ڪلاڪن دوران وڌيڪ 71 ماڻهو فوت ٿيا، نئين سال ۾ به ڪورونا جا وار جاري رهيا. جمعي ڏينهن اين سي او سي جي جاري ڪيل انگن اکرن موجب گذريل 24 ڪلاڪن ۾ وڌيڪ 2 هزار 463 ماڻهن ۾ ڪورونا جي سڃاڻپ ٿي، فوت ٿيندڙن مان 61 ماڻهو اسپتالن ۾ علاج هيٺ هئا، چئن وڏن شهرن جا مريض وينٽيلٽرز تي موجود آهن، اسلام آباد جا 38 سيڪڙو، جڏهن ته ملتان 37 سيڪڙو مريض وينٽيلٽرز تي آهن، پهرين جنوري 2021ع تائين پاڪستان ۾ 34 هزار 763 ڪورونا جا ايڪٽو ڪيس آهن، اين سي او سي موجب هن وقت تائين سڄي ملڪ ۾ 4 لک 82 هزار 178 ڪورونا جا ڪيس رپورٽ ٿيا، جنهن مان 4 لک 37 هزار 229 مريض ڪورونا کي شڪست ڏئي چڪا آهن.
.jpg)
