اسلام آباد۔6نومبر(اے پی پی):نگراں وفاقی وزیر اطلاعات و نشریات مرتضیٰ سولنگی سی پیک منصوبیاں کوں مکمل کرݨ کیتے حکومتی عزام دوہریندے آکھیے جو آل پاکستان چائنیز انٹر پرائزز ایسوسی ایشن دی 201 توں ودھ رکن کمپنیاں ہݨ تئیں پاکستان اچ 25 ارب ڈالر دی سرمایہ کاری کیتی اتے 85 ہزار لوکاں کوں روزگار ݙتے۔ اے ڳالھ انہاں آل پاکستان چائنیز انٹرپرائزز ایسوسی ایشن ولوں”سی پیک دے 10 سال“ دے عنوان نال رپورٹ اجراء دی تقریب نال خطاب اچ آکھی۔ انہاں آکھیا جو سی پیک منصوبیاں کوں اڳونہا کرݨ سی پیک دے بیلٹ اینڈ روڈ انیشی ایٹو دے گیم چینجر منصوبے دے تصور دا واضح ثبوت اے، اے رپورٹ پائیدار ترقی دی حکمت عملی ݙیندی اے ڄیڑھی صرف موٹر ویز اتے پاور پلانٹس تئیں محدود نئیں ٻھل مقامی لوکاں کوں باختیار ٻݨاوݨ اچ وی اہم ثابت تھیسی۔ نگراں وفاقی وزیر گرین ڈویلپمنٹ، اسپیشل اکنامک زونز، ٹیکسٹائلز، زراعت اتے ڈیجیٹل اکانومی اچ ودھدے تعاون دی تعریف کیتی۔ نگران وفاقی وزیر اپݨے دورہ چین اچ کامیاب سفارتکاری دا وی ݙسایا جو ݙوہیں پاسو دوستانہ مشاورت اتے اعلیٰ سطحی رابطیاں دے تسلسل باہمی سیاسی اتفاق رائے اتے اعتماد سازی اچ ودھارا کیتے۔
.jpg)
