ملتان۔17اکتوبر (اے پی پی):وزیر خارجہ مخدوم شاہ محمودقریشی آکھیے جو معاشرے اچ انقلابی تبدیلی کیتے ضروری اے جو اساں سیرت النبی صلی اللہ علیہ وآلہ وسلم اتے اسوہ حسنہ توں نینگراں کوں روشناس کراؤں ، نبی کریم حضرت محمد صلی اللہ علیہ وآلہ وسلم نال محبت ساݙے ایمان دا لازمی حصہ اے۔اے ڳال انہاں اتوار کوں عشرہ شان رحمة اللعالمین صلی اللہ علیہ وآلہ وسلم دے سلسلے اچ پولیس لائنز ملتان اچ منعقدہ سیرت النبی ﷺکانفرنس توں خطاب کریندے ہوئیں آکھی اے ، ایں موقع تے ریجنل پولیس آفیسر ملتان سید خرم علی،کمشنرملتان ڈاکٹر ارشاد احمد،ڈپٹی کمشنرعامرکریم خان،سینیٹرعون عباس بپی،ارکان اسمبلی احمد حسین ڈیہڑ،ملک عامرڈوگر،محمدندیم قریشی،معروف مذہبی سکالر پروفیسر مظہر سعید کاظمی،قاری محمد حنیف جالندھری،سٹی پولیس آفیسر منیر مسعود مارتھ،ایس ایس پی انوسٹی گیشن محمد عامرخان نیازیتے ٻئے اعلیٰ افسر موجود ہن ۔شاہ محمودقریشی آکھیے جو عشرہ شان رحمة اللعالمین صلی اللہ علیہ وآلہ وسلم مناوݨ دا مقصد ھک پاسے تاں نسل نو کوں نبی محمد صلی اللہ علیہ وآلہ وسلم دے اسوہ حسنہ اتے سیرت بارے آگاہی ݙیوݨ اے تاں ݙوجھے پاسے اقوام عالم کوں پیغام ݙیوݨ اے جو مسلماناں دے نیڑے انہاں دے نبی حضرت محمد صلی اللہ علیہ وآلہ وسلم دنیا دی ہر چیز ہر رشتے توں ودھ تے عزیز ہن ۔
.jpg)
