اسلام آباد ۔ 26 اپریل (اے پی پی)وفاقی وزیر پارلیمانی امور اعظم سواتی آکھیے جو حکومت تپ دق دی بیماری تے قابو پاونڑ کیتے مختلف اقدامات کریندی پئی اے ۔ 2017ءدی مردم شماری دے مطابق تپ دق دے مریضاں دی تعداد 5 لکھ 80 ہزار ہئی ۔ جمعے کوں ایوان بالااچ وقفہ سوالات دے دوران سینیٹر بہرہ مند تنگی تے بئے ارکان دے سوال دے جواب اچ انہاں آکھیا جو ملک اچ تپ دق دے مریضاں دی تعداد اچ سالانہ 1.5 فیصد دی شرح نال کمی آندی پئی اے تے پورے ملک اچ 1500توں ودھ بنیادی مینجمنٹ یونٹس دا نیٹ ورک مفت ٹی بی دی تشخیص اتے علاج دی خدمات فراہم کریندا پئے ۔ ٹی بی کیتے قومی اسٹریٹجک پلان وی بنڑایا گے ۔
