گڏيل قومن- 25 جنوري (اي پي پي) روس جهاز حادثي تي گڏيل قومن جي سلامتي ڪونسل جو هنگامي اجلاس طلب ڪري ورتو آهي. روس جي پرڏيهي وزير سرگئي لاروف چيو آهي ته روس گڏيل قومن جي سلامتي ڪونسل جو هنگامي اجلاس طلب ڪيو آهي جڏهن ته ان جو فوجي جهاز روسي شهر بيگلو روڊ ويجهو ڪريو هو، هن نيويارڪ ۾ گڏيل قومن جي هيڊ ڪوراٽر ۾ نيوز ڪانفرنس ۾ چيو ته اسان کي اميد آهي ته فرانس جي صدارت ۾ سلامتي ڪونسل ديانتداري سان پنهنجون ذميواريون پوريون ڪندو ۽ جلد کان جلد ان قسم جو اجلاس منعقد ڪندو،هن چيو ته يوڪرين جو روسي جهاز ڪيرائڻ هڪ ڏوهاري عمل آهي، اسان حقيقت معلوم ڪرڻ جي ڪوشش ڪري رهيا آهيون، واضع رهي ته جهاز حادثي ۾ 65 يوڪريني فوجن سميت عملي جا 6 ڪارڪن ۽ ٽي ايسڪارٽس پڻ اجل جو شڪار ٿيا هئا، روس جي دفاع واري وزارت حادثي کي ” دهشتگرد حملو“ قرار ڏنو آهي.
