اسلام آباد۔29جون(اے پی پی)پاکستان عیدالاضحیٰ تے سویڈن اچ ہک مسجد دے باہرو قرآن پاک کوں بھا لاوݨ دے مذموم و مکروہ فعل دی شدید مذمت کیتی اے۔ دفتر خارجہ دی ترجمان ممتاز زہرہ بلوچ آکھیے جو آزادی اظہار و احتجاج دی اݙ اچ امتیازی سلوک، نفرت و تشدد کیتے اینڄھا ڄاݨ ٻڄھ تے اکساوݨ دے اقدام کوں جائز نئیں آکھیا ونڄ سڳدا، بین الاقوامی قانون دے تحت ریاستاں دا فرض اے جو او مذہبی منافرت دی ککہیں وی وکالت تے پابندی لاون ڄیڑھا تشدد ابھاوݨ دی وجہ ٻݨے، اینڄھے واقعات دا ول ول تھیوݨ قانونی فریم ورک تے سنگین سوال اتے وݙا خطرہ ڄیڑھا بین المزاہن ہم اہنگی کوں نقصان پچا سڳدے۔ ترجمان آکھیا جو واقعہ تے پاکستان کوں چنتا اے، ضروری اے جو بین الاقوامی برادری اتے قومی حکومتاں تے لازم اے جو او زینو فوبیا، اسلامو فوبیا اتے مسلم دشمنی دے ودھدے واقعات روکݨ کیتے قابل اعتماد اتے ٹھوس اقدامات کرن۔
