اسلام آباد۔4فروری(اے پی پی)وفاقی وزیر توانائی حماد اظہر آکھیے جو ملک اچ گیس دی لوڑھ پوری کرݨ کیتے 2 ایل این جی ٹرمینلز کم کریندے پن، تریڄھ ٹرمینل آندے سال کم کریسی۔ بلومبرگ کوں ہک انٹرویو اچ انہاں آکھیے جو قطر عالمی منڈی اچ ایل این جی دا سب توں وݙا ݙیلر اے جیڑھا پاکستان اچ درآمدی سہولت اچ سرمایہ کاری کرݨ چاہندے، حکومت چاہندی اے جو اپݨے سرکاری ایل این جی ٹرمینل توں گیس فراہمی بہتر تھیوے، پاکستان ملک اچ توانائی دی ودھدی مانگ پوری کرݨ کیتے نجی کاروباری شعبے کوں آسان کاروبار دے منصوبے دے تحت تیل و گیس دے شعبے کوں کھولݨ دی حکمت عملی تے عمل کریندا پئے۔ حماد اظہر آکھیا جو گھریلو صارفین دی طلب اتے درآمدی گیس تئیں پڄ ودھاوݨ دی قانون سازی تھیندی پئی اے، مقامی صارفین کوں ایل این جی ݙیوݨ کیتے قانون سازی منظوری کیتے ایوان بالا اچ ونڄݨی اے، قیمتاں اچ ودھارا تھیسی بھل اے ٻہوں زیادہ وی نہ ہوسی۔ حماد اظہر آکھیا جو حکومت گیس دی بجائے بجلی استعمال کرݨ، صنعتاں کوں گیس جنریٹرز مستقل مکاوݨ کیے صنعتی شعبہ دی حوصلہ افزائی کریندی پئی اے۔
