پشاور۔9دسمبر(اے پی پی)سینیٹ دے ضمنی انتخاب اچ مشیر خزانہ شوکت ترین دے کاغذات نامزدگی اپیلیٹ ٹریبونل اچ چیلنج تھی ڳین۔ عوامی نیشنل پارٹی دے امیدوار ڈاکٹر شوکت جمال امیر زادہ اپݨی درخواست اچ آکھیے جو مشیر خزانہ خیبرپختونخوا دے رہݨ آلے نئیں، انہاں دا ووٹ غیر قانونی طور تے اتھاں پاتا ڳئے، ٹریبونل ریٹرننگ افسر دا حکم کالعدم کر تے غیر قانونی قرار ݙیوے۔ درخواست بیرسٹر سید مدثر امیر اتے بیرسٹر ایم یٰسین رضا ولوں دائر کرائی ڳئی اے۔ انتخابی شیڈول دے مطابق ٹریبونل کوں 10 دسمبر تئیں ایں اپیل تے فیصلہ ݙیوݨے۔ سینیٹ دی اے نشست پی ٹی آئی سینیٹر ایوب آفریدی دے مستعفی تھیوݨ تے خالی تھئی ہئی۔ ایں نشست کیتے پولنگ صوبائی اسمبلی دی عمارت اچ 20 دسمبر کوں تھیسی۔
