اسلام آباد۔2جون(اے پی پی)وزیر خارجہ مخدوم شاہ محمود قریشی پاکستان دے دورے تے آئے تاجک صدر امام علی رحمان نال ملاقات کیتی۔ انہاں نال سیکرٹری خارجہ سہیل محمود اتے تاجکستان اچ پاکستان دے سفیر عمران حیدر وی موجود ہن۔ وزیر خارجہ ݙوطرفہ تعلقات ،مختلف شعبیاں اچ تعاون اتے ٻئے معاملیاں تے الایا۔ انہاں آکھیا جو پاکستان، تاجکستان نال اپݨے تعلقات ٻیا تکڑے کرݨ چاہندے ڄݙاں جو ݙوہاں ملکاں دی قیادت وی باہمی روابط ودھاوݨ چاہندی اے تاں جو تجارتی تعلقات اتے تعلیم، ہاؤسنگ، انفراسٹرکچر ڈویلپمنٹ، ٹیکنالوجی اتے توانائی دے شعبیاں اچ تعاون ودھے۔ تاجک صدر سوہݨا خیر مقدم کرݨ اتے چنڳی مہانداری تے وزیر خارجہ اتے پاکستانی قیادت دا شکریہ ادا کیتے۔
.jpg)
