اسلام آباد – 09 مارچ (اي پي پي) صدر ڊاڪٽر عارف علوي چيو آهي ته حڪومت اقليتن جي حقن جي ۽ انهن جي عبادتگاهن جي تحفظ لاءِ قدم کڻي رهي آهي. اهڙن خيالن جو اظهار هن قومي اقليتي ڪميشن جي چيئرمين چيلارام ڪيولاڻي جي قيادت ۾ وفد سان ڳالهائيندي ڪيو. صدر ڊاڪٽر عارف علوي چيو ته پاڪستان جو آئين اقليتن کي بنا ڪنهن فرق جي حق فراهم ڪري ٿو، حڪومت اقليتن کي برابر حق ۽ ترقي جا هڪجهڙا موقعا فراهم ڪري رهي آهي. هن چيو ته اقليتي برادري جي مندر، گردوارن ۽ ٻين مذهبي ماڳن جي تحفظ لاءِ قدم کڻي رهيا آهيون.
