وزیراعظم دے وژن دے تحت ڈیجیٹلائزیشن سانڳے اقدامات جاری ہن، ملک کوں کیش لیس اکانومی اچ بدالݨ سانڳے پرعزم ہن،وزیر مملکت آئی ٹی

2025-03-05 17:37:31

Ambassador of Ethiopia to Pakistan Mr. Jemal Beker Abdula called on Minister of State for IT and Telecommunication Ms. Shaza Fatima Khawaja in Islamabad on Oct 2, 2024.

اسلام آباد۔2اکتوبر(اے پی پی) وزیر مملکت انفارمیشن ٹیکنالوجی و ٹیلی کمیونیکیشن شزہ فاطمہ خواجہ آکھیے وزیراعظم دے وژن دے تحت ڈیجیٹلائزیشن سانڳے اقدامات جاری ہن، ملک کوں کیش لیس اکانومی اچ بدالݨ سانڳے پرعزم ہیسے ۔وزارت آئی ٹی توں جاری بیان موجب وزیر مملکت آئی ٹی و ٹیلی کمیونیکیشن شزہ فاطمہ خواجہ نال پاکستان اچ ایتھوپیا دے سفیر جمال بیکر عبداللہ انھاں دے دفتراچ ملاقات کیتی ۔ ملاقات اچ سانجھی دلچسپی دے امور، ڈیجیٹلائزیشن اتے ای گورننس دے حوالے نال ڳالھ مہاڑ تھئی ۔شزہ فاطمہ آکھیے پاکستان ایتھوپیا وچال آئی ٹی و ٹیلی کام سیکٹر اچ تعلقات اچ ودھارا اہم اے ، پاکستان دا آئی ٹی و ٹیلی کام سیکٹر تکھے ترقی کریندا پئے ، وزیراعظم پاکستان دے وژن دے تحت ملک اچ ڈیجیٹلائزیشن سانڳے اقدامات جاری ہن سوسائٹی، اکانومی، گورننس کوں ڈیجیٹلائز کریندے پئن انھاں آکھیے موجودہ حکومت پاکستان کوں کیش لیس اکانومی اچ بدالݨ سانڳے پر عزم اے، چاہندوں جو ملک اچ ڈیجیٹل پیمنٹس کوں ودھارا تھیوے ، ایتھوپیا پاکستان دے انفارمیشن و کمیونیکیشنز ٹیکنالوجی (آئی سی ٹی) دے میدان اچ تجربیں توں فیدہ چاسڳدے ، پاکستان ایتھوپیا کوں ڈیجیٹلائزیشن دے حوالے نال مکمل سپورٹ کریسی ۔ایتھوپیا دے سفیر آکھیے پاکستان دے آئی ٹی سیکٹر اچ ٻہوں صلاحیت اے، ایتھوپیا پاکستان نال آئی ٹی و ٹیلی کام سیکٹر اچ تعاون ودھاوݨ چاہندے ،آئی سی ٹی انفراسٹرکچر ڈویلپمنٹ اچ پاکستان دے تجربیں توں فیدہ چاوݨ چاہندوں ۔ملاقات اچ ڈائریکٹر جنرل انٹرنیشنل کوآرڈینیشن سید جواد علی شیرازی وی موجود ہن۔

مضمون کا ماخذ : بونانزا

متعلقہ مضامین