اسلام آباد۔9اگست(اے پی پی)اسلام آباد دے شہر توں 40 کلومیٹر دور خان پور ڈیم ہنالے اچ سیاحواں دا رش رہندے ۔خان پور ہک آبی ذخیرہ اے جیڑھا اسلام آباد تے راولپنڈی کوں پاݨی بھجیندے۔اے ضلع ہری پور صوبہ خیبرپختونخوا اچ آندے ۔1983 اچ بݨایا ڳیا ہئی ۔سیالے اچ لوک تازہ مچھی تے پکوڑے کھاوݨ آندن ۔پر ہنالے اچ تاں ملک دے وکھو وکھ علاقیاں دے لوک سیر کیتے آندن ۔ساول ، پہاڑ ، پاݨی تے ٻیڑیاں کوں ݙیکھ تے ہر عمر دا بندہ خش تھیندے بھانویں بڈھڑے ہوون تے بھانویں بال ۔ کینیڈا توں آئے ہک سیاح علی عمران دا آکھݨ ہا جو پاکستان دا ٻہوں سوہݨاں مقام اے پر لوک کھاوݨ پیوݨ دیاں شئیں کھنڈا ݙیندن تے صفائی دا دھیان اصلوں نی کریندے ۔۔حکومت ایجھیاں سوہݨیاں جائیں دی سہولتاں ݙتن تے عوام کوں چاہیدا اے جو ایندا آپدے گھر وانڳوں خیال رکھن تاں جو ڈھیر مدھ شہری فیدہ چا سگن ۔(ڈاکٹر سعدیہ کمال)
