لاہور۔12فروری(اے پی پی)وزیرِ اعظم محمد شہباز شریف سڄھ اتے ہوان نال تواناعی پیدا کرݨ دے منصوبیاں تے کم تیکھا کرݨ دی ہدایت کریندے آکھیے جو قابلِ تجدید توانائی دے ذرائع نال ڳھٹ لاگت اتے ماحول دوست بجلی ٻݨسی۔ اے ڳالھ انہاں قابلِ تجدید توانائی دے ذرائع سانڳے ہک اعلی سطح اجلاس دی صدارت کریندے آکھی۔ اجلاس اچ وفاقی وزراء اسحاق ڈار، انجینئر خرم دستگیر، احسن اقبال، وزیراعظم دے معاون خصوصی ڈاکٹر جہانزیب خان، وزیراعظم دے مشیر احد چیمہ اتے متعلقہ اعلی حکام شرکت کیتی۔ اجلاس اچ ملک دی شمسی اتے ہوا نال توانئی پیدا کرݨ دی اڄوکی صلاحیت، ٻݙیے منصوبیاں اتے ولا شروع کرݨ کتیے اقدامات تے بریفنگ ݙتی ڳئی جو حکومت دے 10 ہزار میگاواٹ دے شمسی توانائی منصوبے دے علاوہ ٻعے ہوا اتے سڄھ دے سوڄھلے نال تجویز کیتے منصوبیاں توں تقریباً 6 ہزار میگاواٹ سستی تے ماحول دوست بجلی ٻݨ سڳدی اے۔ وزیراعظم ہوا اتے سڄھ نال توانائی منصوبیاں تے تیکھے کم شروع کرݨ دی ہدایت کیتی جو ایندے نال ملکی توانائی دی لوڑھ پوری کرݨ اتے لوکاں کوں تسلسل نال سستی بجلی ݙیوݨ اچ مدد ملسی اتے ملکی معیشت دا پہیہ چلسی۔
.jpg)