اسلام آباد۔15ستمبر (اے پی پی):وزیراعظم محمدشہباز شریف آکھیے جو عالمی اقتصادی بحران دے پیش نظر شنگھائی تعاون تنظیم دے رکن ملکاں وچال مزیدتعاون کوں ودھاوݨ دی لوڑھ اے ، خمیس کوں ازبکستان اچ شنگھائی تعاون تنظیم دے رکن ملکاں سربراہان سالانہ اجلاس کیتے روانگی دے موقع تے اپݨے ٹویٹ اچ وزیراعظم آکھیے جو شنگھائی تعاون تنظیم دنیادی 40 فیصد آبادی دی خواہشات اتے امنگاں دے وژن دی عکاسی کریندی اے ۔عالمی اقتصادی بحران دا تقاضا اے جو شنگھائی تعاون تنظیم دے رکن ملکاں وچال مزیدتعاون کوݨ ودھایا ونڄے ۔ وزیراعظم محمد شہباز شریف آکھیے جو پاکستان مشترکہ ترقی تے خوشحالی کیتے سانجھے اعتماد تے احترام تے مبنی” شنگھائی سپرٹ ” دے عزم دااعادہ کریندے۔ وزیر اعظم آکھیے جو شنگھائی تعاون تنظیم جیوپولیٹکل تے جیو اکنامک دے شعبیں اچ تھیوݨ آلے پریشان کن تبدیلیاں دے دور اچ اڳوں ودھݨ دا رستہ متعین کرسڳدی ۔
.jpg)