گڏيل قومن جي سيڪريٽري جنرل طرفان باجوڙ سانحي جي مذمت، پاڪستان حڪومت ۽ عوام سان يڪجهتي جو اظهار

image

گڏيل قومون -01 آگسٽ (اي پي پي) گڏيل قومن جي سيڪريٽري جنرل انتونيو گوتريش خيبر پختونخوا صوبي جي علائقي باجوڙ ۾ جميعت علماءِ اسلام (ف) جي ڪنوينشن ۾ ٿيل آپگهاتي ڌماڪي جي سخت لفظن ۾ مذمت ڪندي اختيارين تي زور ڀريو آهي، ته اهي سانحي ۾ ملوث ماڻهن کي انصاف جي ڪٽهڙي ۾ آڻين. گڏيل قومن جي نائب ترجمان نيويارڪ ۾ گڏيل قومن جي هيڊ ڪوارٽرز ۾ پريس بريفنگ دوران چيو ته انتونيو گوتريش پاڪستان ۾ ٿيل آپگهاتي حملي دوران مسافر ڪٽنبن جي وارثن سان تعزيت ۽ زخمين جي جلد صحتيابي لاءِ نيڪ خواهشن جو اظهار ڪيو آهي. گڏيل قومن جي سيڪريٽري جنرل پاڪستاني اختيارين تي زور ڀريو آهي، ته ان واقعي ۾ ملوث فردن کي انصاف جي ڪٽهڙي ۾ آندو وڃي. هوڏانهن گڏيل قومن جي سلامتي ڪائونسل به باجوڙ ڌماڪي جي سخت لفظن ۾ مذمت ڪئي آهي.

مضمون کا ماخذ : قسمت کا پہیہ