لاہور۔2نومبر(اے پی پی) وزیراعلی پنجاب مریم نوازآکھیے حق سچ دی آواز چاوݨ آلے صحافیاں تے ظلم تے تشدد بند تھیوݨا چاہیدے ۔ صحافیاں دے خلاف جرائم مکاوݨ دے جگ ݙیھاڑ تے آپݨے پیغام اچ انھاں آکھیے مقبوضہ جموں وکشمیر تے فلسطین سودھے ہر ملک اچ صحافیاں تے تشدد قابل مذمت اے،احساس ذمہ واری نال آزادی صحافت جمہوریت دی اساس اے، ظلم، ناانصافی اتے کوڑ کوں بے نقاب کرݨ آلے صحافی قابل تحسین ہن۔انہاں آکھیے مضبوط جمہوری معاشرے سانڳے آزاد صحافت دا ہووݨ ٻہوں ضروری اے ،صحافی معاشرتی انصاف دے محافظ اتے عوام دی آواز ہن،بحیثیت وزیر اعلی آزادی صحافت دے تحفظ دی ضامن تے داعی ہاں، صحافیاں دے حقوق دے تحفظ سانڳے اقدام حکومت دا فرض اے۔ مریم نواز مزید آکھیے بے گھر صحافیاں سانڳے آپݨی چھت دا خواب پورا کرݨ سانڳے پرعزم ہیسے ،سچ اتے حق دی راہ تے چلݨ آلے ذمہ وار و باوقار صحافیاں دے رلے ہیسے ، انھاں دے حقوق دا تحفظ کریسوں۔
