اسلام آباد۔29اپریل (اے پی پی):صدر مملکت آصف علی زرداری حق خودارادیت گھنݨ تئیں بھارت دے غیر قانونی زیر تسلط جموں و کشمیر دے عوام دی اخلاقی، سیاسی اتے سفارتی حمایت جاری رکھݨ دے پاکستان دے عزم دا اعادہ کریند ہوئیں اتھاں قابض بھارتی افواج دی طرفوں انسانی حقوق دی خلاف ورزیاں اتے ظلم دی مذمت کیتی اے ۔ ایوان صدر دے پریس ونگ توں جاری بیان موجب صدر مملکت اے ڳالھ آزاد کشمیر دے وزیراعظم انوار الحق کوں آکھی جنہاں سنوار کوں انہاں دے نال ایوان صدر اچ ملاقات کیتی ۔ صدر مملکت آکھیے عالمی برادری بھارت تے انسانی حقوق دی خلاف ورزیاں بند کرݨ تے اقوام متحدہ دی سلامتی کونسل دی قرارداداں تے عمل درآمد کراوݨ سانڳے دباؤ پاوے ۔ ملاقات اچ آزاد کشمیر دی مجموعی صورتحال، ترقی متعلق امور تے ڳالھ مہاڑ کیتی ۔
