حیدر آباد ۔13دسمبر(اے پی پی) وزیراعظم محمد شہباز شریف آکھیے عمران نیازی کوں ملک اچ ہیجانی کیفیت پیدا کرݨ تے ناکامی تھیسی ، اینکوں عوام دی کوئی پرواہ کائنی ، او ملک و قوم دی بہتری کیتے ذاتی انا چھوڑ ݙیوے۔ مخلوط حکومت عوام دے ݙکھاں کوں گھٹ کریسی ، سیلاب متاثرین دی بحالی کیتے سارے وسائل استعمال کیتے ویسن ، جنیوا ڈونرز کانفرنس اچ کشکول نی اپݨا حق منڳݨ ویسوں ، موٹرویز منصوبے مسلم لیگ (ن) دے قائد نواز شریف دا وژن اے، کراچی۔حیدرآباد موٹروے دی تعمیر دے بغیر انہاں دا وژن مکمل نی تھی سڳدا ، سکھر۔حیدرآباد موٹروے منصوبہ 30 مہینے اچ مکمل کریسوں ۔ اے ڳالھ انہاں منڳل کوں حیدرآباد۔ سکھر موٹروے ایم۔6 دے سنگ بنیاد رکھݨ دی تقریب توں خطاب کریندے ہوئیں آکھی اے ۔ تقریب اچ وفاقی وزراء احسن اقبال، مریم اورنگزیب، مولانا اسعد محمود، امین الحق، وزیراعلیٰ سندھ سید مراد علی شاہ، ارکان قومی اسمبلی، صوبائی وزراء اتے مقامی عمائدین وی موجود ہن ۔ وزیراعظم آکھیے جو موٹروے دا اے عظیم منصوبہ بانی موٹرویز میاں محمد نواز شریف دی قومی بصیرت اتے سوچ دا عکاس اے، انہاں دے وژن کوں اڳوں اساں ودھیندے پیوں ، ایں موٹروے دا سنگ بنیاد خوش آئند اے، 306 کلومیٹر طویل موٹروے تے 307 ارب روپے خرچ تھیسن تے 30 مہینے اچ اے منصوبہ پایہ تکمیل تئیں پڄ ویسی ۔ انہاں آکھیے کراچی توں حیدرآباد تئیں موٹروے دی حالت وی ٹھیک کائنی، ایں تے حادثات معمول بݨ ڳئن تے کراچی۔حیدرآباد موٹروے دے بغیر مسلم لیگ (ن) دے قائد نواز شریف دا وژن مکمل نی تھیندا ، وفاقی وزیر منصوبہ بندی و ترقی احسن اقبال ایں منصوبہ دی فزیبلٹی تے کم شروع کراون وفاقی وزیر مولانا اسعد محمود ہنگامی بنیاد تے ایں منصوبے تے کم دے آغاز کیتے کوششاں کرن اتے ایں موٹروے کوں وی سکھر۔حیدرآباد موٹروے دی طرح پبلک پرائیویٹ پارٹنرشپ دے تحت تکھے نال مکمل کیتا ونڄ سڳدے، دنیا دی ممتاز کمپنیاں ایندے اچ سرمایہ کاری کرݨ چاہسن ، وزیراعلیٰ سندھ سید مراد علی شاہ زمین دے حصول کیتے کردار ادا کریسن ۔ انہاں آکھیے سابق وزیراعظم نواز شریف حیدرآباد کیتے ھک پیکیج دا اعلان کیتا ہئی لیکن ایں تے عمل نہ تھی سڳیا ، وفاقی حکومت ایں کیتے ھک ارب روپے فراہم کریسی، صوبائی حکومت وی ھک ارب روپے ڈیوے، ماضی اچ جیڑھے منصوبے تعطل دا شکار تھن ۔ وفاقی وزراء احسن اقبال ، اسعد محمود اتے وزیراعلیٰ سندھ انہاں تے وختی کم شروع کراوݨ کیتے آپت اچ مشاورت کریسوں۔ وزیراعظم آکھیے جو سیلاب نال سندھ اچ شدید تباہی تھئی ، بلوچستان تے خیبرپختونخوا وی متاثر تھئن ، جنوبی پنجاب دے ݙو ضلعیں اچ سیلاب توں تباہی تھئی اے تے کروڑاں لوک سیلاب توں متاثر تھئن ، وفاقی حکومت، این ڈی ایم اے، پی ڈی ایم ایز تے مسلح افواج صوبائی حکومتاں دےنال رل تے سیلاب متاثرین دی خدمت کیتی اے وفاقی حکومت بے نظیر انکم سپورٹ دے ذریعے 25، 25 ہزار روپے شفاف طریقہ نال ہر خاندان اچ تقسیم کیتن، این ڈی ایم اے ایندے علاوہ کمبل، خیمے، خوراک تے بئے ضروری چیزاں دی فراہمی کوں یقینی بݨایا ، چارے صوبائی حکومتاں وی سیلاب متاثرین دی امداد کیتے ارباں روپے خرچ کیتن تے وفاق تے صوبے ایں مد اچ 100 ارب روپے توں ودھ خرچ کر چکن لیکن شدید سردی دے موسم اچ سیلاب متاثرین کیتے خیمے، کمبل، دوائیں تے خوراک دی ضرورت اے، متحدہ عرب امارات، سعودی عرب، قطر، چین، امریکہ، برطانیہ تے ٻئے ملکاں سیلاب متاثرین کیتے امدادی سامان ݙتے ۔فرانس ھک وݙا واٹر فلٹریشن پلانٹ سندھ اچ ݙتا ، سیلاب توں ضیان دا تخمینہ 30 ارب ڈالر توں ودھ اے ، سیلاب متاثرین دی بحالی کیتے سارے ضروری وسائل کارگھن آئے، اتحادی حکومت عوام دی مشکلات گھٹ کریسی ۔ 9 جنوری کوں جنیوا اچ ڈونرز کانفرنس ہوسی جیں اچ اساں کشکول نی آپݨا حق منڳݨ ویسن ، مشکلات اتے چیلنجز ٻہوں سارے ، سابق حکومت معاشی تباہی کیتی ، وفاقی حکومت کوں سیلاب متاثرین کیتے فنڈز چاہیدن، آئی ایم ایف دی وی کڑیاں شرطاں ہن ، عمران نیازی پورے ملک اچ ہیجانی کیفیت پیدا کرݨ دیاں کوششاں کریندا پئے ۔ او آپݨے دور اچ کساناں کوں ایں ویلھے کھاد نی جݙاں بلیک تھیندی پئی اے ، چینی دی برآمد تے سبسڈی ݙے تے درآمد کرڳھدی تے ول کݨک برآمد کرتے درآمد کیتی ڳئی ، گیس جݙاں 2 ڈالر تے ملدی پئی ہئی تاں نی ڳھدی ڳئی ، عمران نیازی عوام دی مشکلات اچ ودھارے دے سوا کجھ کائنی ، ایں کوں سیلاب متاثرین تے عوام دی کوئی پرواہ کائنی۔قوم کوں اکساوݨ دی کوشش کریندا پئے لیکن پاکستانی قوم باشعور اے۔ وفاقی وزیر مواصلات اسعد محمود آکھیے جو سکھر۔حیدرآباد موٹروے دی تعمیرھک ٻہوں وݙا منصوبہ اے، ایندی تکمیل نال عوام کوں بہتر سفری سہولتاں میسر آسی تے معاشی ترقی تھیسی ۔ ایندے توں پہلے وزیراعظم شہباز شریف حیدرآباد۔سکھر موٹروے ایم۔6 دا سنگ بنیاد رکھیا۔ وفاقی سیکرٹری مواصلات کیپٹن (ر) خرم آغا منصوبہ دے حوالے نال بریفنگ ݙتی ۔
.jpg)
.jpg)
