لاہور۔11نومبر(اے پی پی)وزیراعلیٰ پنجاب چودھری پرویز الٰہی وزیر آباد انسٹی ٹیوٹ آف کارڈیالوجی کیتے بیرون ملک توں ماہر ڈاکٹراں دی خدمات ڳھنݨ دی ہدایت کیتی اے۔ او لاہور اچ ہک اعلیٰ سطح اجلاس دی اڳواݨی کریندے پئے جیندے اچ وزیر آباد انسٹی ٹیوٹ آف کارڈیالوجی دی اپ گریڈیشن دا جائزہ ڳھدا ڳئے۔ وزیر اعلیٰ وزیر آباد انسٹی ٹیوٹ آف کارڈیالوجی کیتے غیر ملکی ماہرین دی خدمات ڳھنݨ دی دہایت کریندے امراض قلب دا شکار ٻالاں دے علاج کیتے خصوصی شعبہ ٻݨاوݨ دا آکھیے۔ وزیراعلیٰ پنجاب اکھیا جو انسٹی ٹیوٹ اچ دل دے ڄماندرو طور تے سوراخ دے مرض دا شکار ٻالاں کوں علاج ݙتا ونڄے، ٻالاں دی اوکھے آپریشن دی سہولت انسٹی ٹیوٹ اچ ݙویڄے جو بآلاں دا علاج باھرت یا ٻیا کتھائو نا کراوݨا پووے۔ انہاں وزیر آباد انسٹی ٹیوٹ آف کارڈیالوجی اچ مریضاں دے ورثا کیتے بہترین انتظار گاہ ٻݨاوݨ دا وی آکھیے۔
