اسلام آباد۔19اکتوبر (اے پی پی) وفاقی وزیر موسمیاتی تبدیلی شیری رحمان آکھیا جو اساݙی مسلح فوج اتے قوم دنیا اچ دہشت گردی دے خلاف ساریاں توں ودھ کامیاب جنگ لڑی اے۔ بدھ کوں قومی اسمبلی اچ ڳالھ کریندیں ہوئیں وفاقی وزیر برائے ماحولیاتی تبدیلی شیری رحمان آکھیا جو بلوچستان توں جݙاں وی حقیقی لیڈر ڳالھ کریندے تاں اوندی ڳالھ تکھی ہوندی اے اتے انہاں تلخیاں پچھوں ہک پوری تاریخ اے۔ دہشت گرد اوہو کجھ کریسی جئیں دی اوں تربیت ڳھدی اے۔ دہشت گردی دے خلاف پی پی پی دی ہک تاریخ اے۔ سوات آپریشن اساں کامیابی نال پورا کیتا۔ دہشت گرداں دے خلاف اسی ہزار توں ودھ شہریاں اتے مسلح فوج دے افسر اتے نینگر قربانیاں ݙتن۔ محترمہ بے نظیر بھٹو شہید سوات تے پاکستان دا پرچم لاوݨ دا نعرہ لاتا اتے آپݨی جان دی قربانی ݙتی۔
