اسلام آباد۔13جولائی (اے پی پی):پاکستان اقوام متحدہ دی سلامتی کونسل دیاں قرار داداں دے مطابق حق خود ارادیت دے جائز حق گھنݨ تئیں بھارتی ظلم دے خلاف جدوجہد اچ اپݨے کشمیری بھیݨ بھراواں دی حمایت جاری رکھݨ دے عزم دا اعادہ کیتے ۔منگل کوں یوم شہداء کشمیر دے موقع تے دفتر خارجہ دے ترجمان زاہد حفیظ چودھری آکھیے جو پاکستان دی حکومت اتے عوام بھارت دے غیر قانونی زیر تسلط جموں و کشمیر دے انہاں 22 پتراں کوں خراج عقیدت پیش کریندوں جنہاں 1931 اچ سری نگر اچ ظالمانہ ڈوگرہ افواج دا مقابلہ کریندے ہوئیں آپݨی جاناں دا نذرانہ پیش پیش کیتے ۔ترجمان آکھیے جو انہاں شہدا دی ہمت 1931 اچ حق خودارادیت کیتے بے مثال جدوجہد ہئی جیڑھی جو اڄ تئیں جاری اے ۔ انہاں آکھیے 5 اگست 2019 دے بعد ہݨ تئیں مقبوضہ جموں و کشمیر اچ بھارتی قابض فورسز 390 توں ودھ کشمہریاں کوں شہید کیتا ۔ترجمان آکھیے جو گزریل ست ݙھاکیں اچ بھارتی جبر ، کشمیری عوام دے حوصلیں کوں بھنݨ اچ ناکام رہیا ۔ ترجمان ھک واری ول عالمی برادری بالخصوص اقوام متحدہ اتے انسانی حقوق دیاں تنظیماں توں طالبہ کیتے جواو بھارتی قابض فورسز ولوں کشمیریاں دے مسلسل ماورائے عدالت قتل دی تحقیقات کرن تے انہاں دے ݙراوݨے جرائم دے مرتکب لوکاں کوں انصاف دی کچاری اچ گھن آون ۔
