لاہور ۔ 22 دسمبر (اے پی پی) وزیر اعظم عمران خان ہک واری ول واضح کیتے جو کجھ وی تھیوے حکومت احتساب توں کہیں صورت پچھو تے نہ ھٹسی،اسمبلی کوں بدعنوانی دا پیسہ بچاونڑ کیتے استعمال نہ تھیونڑ ڈیسوں، جنوبی پنجاب دے 250 ارب روپے بئے علاقیاں تے خرچ کیتے گین، انصاف دی فراہمی کیتے قانون سازی کیتی وینید پئی اے،ہک سال اچ سارے کیس نمٹائے ویسن،اقلیتاں کوں برابر دا شہری بنڑیسوں، مودی دے بھارت کوں ڈسیسوں جو اقلیتاں کوں کیویں رکھیا ویندے، چھوٹے کساناں کیتے زرعی دا منصوبہ ڈیسی،اسلام آباداچ 350 ارب،پنجاب اچ 160ارب روپے دی سرکاری زمین قبضہ مافیا توں چھڑوائی اے۔لاہور اچ پنجاب حکومت ولوں 100ڈینہہ مکمل تھیونڑ تے جائزہ تقریب نال خطاب کریندے ہوئے وزیراعظم عمران خان اطمینان کریندے وزیراعلیٰ دی تعریف کیتی جو عثمان بزدارڈیلیور کر تے ڈکھیندا پئے، ہنڑ تئیں کوئی ہک شکایت وی نئیں آئی،کم از کم اے تسلی اے جو عثمان خان بزدار ایماندار بندی اے جیندا جیونر مرنڑ اپنڑی مٹی نال اے اے ملک دی مڈی لٹ تے باہرو نہ گھن ویسی۔وزیراعظم سو ڈینہہ دی کارکردگی دا جائزہ پیش کرنڑ تے صوبائی وزیر ہاشم جواں بخت دی وی تعریف کیتی۔انہاں آکھیا جو پچھلے ادوار اچ جنوبی پنجاب دا پیسہ پنجاب دے بنھاں علاقیاں تے مسلسل لائی رکھنڑ پاروں احساس محرومی ودھیے،پنجاب دا ادھا بجت لاہور تے لا ڈتا گئے بھل پنجاب دی موجودہ حکومت مالی وسائل دی منصفانہ تقسیم دا فیصلہ کیتے کیوں جو انصاف نہ ملے تاں معاشرے انتشار دا شکار تھی ویندن۔انہاں افسوس کیتا جو اکوی کروڑ دی آبادے دے وڈے ملک دی برآمدات دا حجم صرف چوی ارب ڈالر اے ، اج ملک سابقہ حکمراناں دی عیاشی اتے بدعنوانی پاروں بدحالی دا شکار اے جیندا بھوگ ملک اتے قوم کوں بھگتنڑا پوندا پئے۔ وزیراعظم آکھیا جو ساڈے تے سیاسی انتقام دا الزام لگدے بھل اصل اچ سارے کیسز پچھلے دور دے ہین،اے ضرور ہے جو اساں ایندے اچ کوئی مداخلت نئیں کیتی۔انہاں آکھیے جو کتنے ڈکھ اتے شرم دی گالھ اے جو شہباز شریف جیل اچ ہن اتے اپوزیشن انہاں کوں پبلک اکاو¿نٹس کمیٹی دا سربراہ بنڑاونڑ چاہندی ہئی،اساں اپوزیشن دیاں کئےی گالھیں من گھدن بھل اساں احتساب توں اصلوں پچھو نہ ہٹسوں، اے ملک دی سالمیت،آونڑ آلیاں نسلاں اتے ملک دے مستقبل کیتے ضروری اے، کجھ وی تھیوے، جمہوریت دے ناں تے مفاہمت نئیں کر سگدے۔
.jpg)
.jpg)
