لاهور – 18 جولاءِ (اي پي پي) وزيراعظم عمران خان پنجاب جي وڏي وزير سردار عثمان بوزدار کي هدايت ڪئي آهي ته صوبي جي عوام کي رليف فراهم ڪرڻ، مهانگائي تي ضابطو آڻڻ ۽ ذخيرو اندوزي ڪندڙن خلاف ڪارروائي لاءِ فوري قدم کنيا وڃن، هن اها هدايت بريفنگ دوران ڏني. وزيراعظم کي پنجاب جي وڏي وزير جي صلاحڪار ڊاڪٽر سلمان شاهه پنجاب صوبي ۾ سماجي ۽ معاشي ترقي، زراعت ۽ صنعتن جي فروغ جي حوالي سان کنيل حڪومتي قدمن ۽ مستقبل جي لائحه عمل تي بريفنگ ڏني، پنجاب جو وڏو وزير سردار عثمان بوزدار به بريفنگ ۾ موجود هو.
