اسلام آباد۔27اکتوبر(اے پی پی)ترجمان صوبائی الیکشن کمیشن آکھیے جو انتخابی فہرستاں اچ ووٹ دے اندراج، اخراج، کوائف دی درستگی کیتے 28 اکتوبر چھیکڑی ݙینھ ہوسی، عوام اپݨا قومی شناختی کارڈ نمبر 8300 تے ایس ایم ایس کر تے ووٹ دی معلومات ڳھنن، ووٹ دے اندراج، اخراج، کوائف دی درستگی کیتے متعلقہ ضلعی الیکشن کمشنر دے دفتر ونڄن۔ ترجمان موجب لوک اپݨے ووٹ دے اندراج دا حق استعمال کر تے ہک ذمہ دار شہری ہووݨ دا ثبوت ݙیون، ووٹ اندراج دے فارم الیکشن کمیشن دی ویب سائٹ www.ecp.gov.pk تے موجود ہن، 28 اکتوبر 2023ء دے بعد انتخابی فہرستاں منجمد تھی ویسن۔
