اسلام آباد۔5جون (اے پی پی):وفاقی وزیر قانون و انصاف اعظم نذیر تارڑ پارلیمان دی قائمہ کمیٹیاں کوں مزید فعال اتے مضبوط بݨاوݨ دی لوڑھ تے زور ݙتےجو قانون سازی تے عملدرآمد کوں یقینی بݨاوݨ کیتے کردار ادا کرݨ اساں ساریں دی ذمے واری اے ، پاکستان دی پارلیمان اچ تریمتاں دا کردار انتہائی قابل ستائش اے ۔ اے ڳالھ انہاں “تریمتاں دے حقوق دے تناظر اچ آئین دے مطالعہ ” دے عنوان توں منعقدہ سیمینار توں خطاب کریندے ہوئیں آکھی اے ۔ انہاں پارلیمنٹ دے ݙوہیں ایواناں اچ تریمت پارلیمنٹرینز دی شرکت اتے جذبے دی تعریف کیتی تے آکھیے جو پاکستان دی پارلیمان اچ تریمتاں دا کردار انتہائی قابل ستائش اے ، اقوام متحدہ دی رپورٹ تریمت دے حقوق اچ پاکستان ٻہوں پچھوں اے ، انہاں تریمتاں دی سماجی و اقتصادی شمولیت کیتے کوششاں جاری رکھݨ دا وی عزم کیتا ۔
