اسلام آباد۔31مارچ(اے پی پی):وفاقی وزیر آبی وسائل سید خورشید شاہ آکھیے پاݨی دے وسائل دے موثر استعمال کوں یقینی بݨاوݨ ویلھے دی لوڑھ اے ، پاݨی کیتے بجٹ سانڳے مجموعی قومی پیداوار دا گھٹ توں گھٹ 15فیصد حصہ مقررکرݨ توں ہی اساں آپݨی آبادی دی خوراک دی لوڑھ کوں پورا کرݨ دے قابل تھی سڳدوں ۔قومی اسمبلی اچ محسن لغاری دی طرفوں سندھ طاس معاہدے اچ تبدیلی متعلق بھارتی مکتوب دے حوالے نال توجہ مبذول نوٹس تے سید خورشید شاہ ایوان کوں ݙسائے جو بھارت ایں حوالے نال جݙاں اساکوں مکتوب لکھیا تاں اساں ایں تے ھک ڈرافٹ بݨا تے وختی وزیراعظم کوں ݙسایا ، اے ڈرافٹ 90 ݙینھ اچ مکمل کرتے بھیڄݨا اے، ایں حوالے نال اڄ وی ھک اجلاس تھیندا پئے جے معزز رکن چاہیدن تاں او ایں اجلاس اچ شرکت کرسڳدن ، پاکستان اچ غربت دی شرح ایں کیتے زیادہ اے جو اساں آپݨے وسائل کوں استعمال نی کریندے پئے اساں کنے 130ملین ایکڑ فٹ پاݨی اے تے اساں صرف 13ملین ایکڑ فٹ پاݨی استعمال کریندے پیوں ، بھاشا ، دیامر اتے مہمند ڈیم دی تکمیل توں اساں 30 توں 35فیصد پاݨی استعمال کرسڳسوں ۔ میݙی اسحاق ڈارتوں وی درخواست ہے جو ایں تے ھک قرارداد ایوان اچ پیش کرن جیں اچ مطالبہ ہووے جو پاݨی دے ذخائر کوں محفوظ بݨاوݨ کیتے بجٹ اچ جی ڈی پی دا گھٹ توں گھٹ 15فیصد حصہ مختص کیتا ونڄے ۔
.jpg)
.jpg)
