اسلام آباد۔6اکتوبر(اے پی پی) وزیراعظم دی معاون خصوصی امور نوجوانان شیزہ فاطمہ خواجہ آکھیے جو پاکستان سٹریٹ چائلڈ فٹ بال ٹیم قطر اچ تھیوݨ آلے سٹریٹ چائلڈ فٹ بال ورلڈ کپ اچ ملک دی نمائندگی کریسی ، وزیراعظم یوتھ پروگرام ٹیلنٹ ہنٹ یوتھ سپورٹس لیگ دے ذریعے کھیݙاں دے شوقین نینگراں کوں اڳوں ودھݨ دے موقع ݙیندا پئے ، اے ڳالھ انہاں خمیس کوں پریس کانفرنس اچ آکھی اے ، انہاں مستحق ٻالاں کیتے کم کرݨ آلی تنظیم مسلم ہینڈز دی تعریف کیتی تے پاکستان دی سٹریٹ چائلڈ فٹ بال ٹیم کوٹرائلز دے ذریعے منتخب کر تےعالمی معیار دی تربیتی سہولتاں ݙیوݨ تے انہاں دا شکریہ ادا کیتے ۔ معاونِ خصوصی آکھیے جو مسلم ہینڈزدی پاکستان اچ مستحق ٻالاں کیتے خدمات قابل تحسین ہن تے پاکستان سٹریٹ چائلڈ فٹ بال ٹیم مسلم ہینڈز دے بہترین کم دی واضح دلیل اے، سٹریٹ چائلڈ فٹ بال ٹیم دا انتخاب ملک دے 17 شہراں اچ ٹرائلز دے بعد کیتا ڳئے ، شیزہ فاطمہ خواجہ آکھیے جو ایں ویلھے پاکستان اچ کئی لکھ ٻال بنیادی سہولتاں تے کفالت توں محروم ہن، اے ساݙی سماجی ذمہ واری اے جو اساں انہاں دی بہتری کیتے کم کروں تے انہاں کوں ہر ممکن سہولت ݙیوݨ دی کوشش کروں ۔
