سکیورٹی فورسز کوئٹہ دے علاقے میاں غنڈی اچ ڈو خود کش حملہ آوراں کوں ہلاک کر ڈتا،آئی ایس پی آر
تریجھے خود کش حملہ آور پولیس وین کوں ہدف بنڑایا جئیں دے نتیجے اچ پنج پولیس اہلکار شہید اتے 7زخمی تھی گئے
راولپنڈی ۔ 24 اپریل (اے پی پی) سکیورٹی فورسز کوئٹہ دے علاقے میاں غنڈی اچ ڈو خود کش حملہ آوراں کوں ہلاک کر ڈتا،تریجھے خود کش حملہ آور پولیس وین کوں ہدف بنڑایا جئیں دے نتیجے اچ پنج پولیس اہلکار شہید اتے 7زخمی تھی گئے ۔آئی ایس پی آر ولوں جاری کیتی گئی اپ ڈیٹ دے مطابق کوئٹہ اچ ترائے خود کش حملہ آوراں حملہ کرنڑ دی کوشش کیتی ،سکیورٹی فورسز ڈو خود کش حملہ آوراں کوں کوئٹہ دے علاقہ میاں غنڈی مغربی بائی پاس دے نیڑے ہلاک کر ڈتا۔انہاں خود کش حملہ آوراں دا ہدف ایف سی دی پوسٹ ہئی ،سکیورٹی فورسز خودکش حملے دی کوشش کوں ناکام بنڑایا جڈانجو تریجھے خود کش حملہ آورکوئٹہ دے علاقے ایئرپورٹ دے نیڑے پولیس دی گاڈی کوں نشانہ بنڑایا جئیں دے نتیجے اچ پنج پولیس اہلکار شہید اتے 7زخمی تھی گئے ۔
