اسلام آباد۔13دسمبر (اے پی پی) وفاقی وزیرداخلہ محسن نقوی خیبرپختونخوا اتے بلوچستان اچ خوارجی دہشتگرداں دے خلاف کامیاب انٹیلی جنس بیسڈ آپریشنز تے سکیورٹی فورسز کوں شاندار الفاظ اچ خراج تحسین پیش کریندیں ہوئیں آکھیا جو پاکستان دی بہادر سکیورٹی فورسز ویلھے تے آپریشنز کر تے خوارجی دہشت گرداں دے عزائم کوں مٹی اچ ملا ݙتے۔ جمعے کوں آپݨے بیان اچ وزیرداخلہ آپریشنز اچ 43 خوارجی دہشت گرداں کوں جہنم واصل کرݨ تے سکیورٹی فورسز دی تعریف کیتی۔ انہاں آکھیا جو سکیورٹی فورسز دی کامیابیاں کوں قوم قدر نال ݙیکھدی اے۔ انشاء اللہ عوام دی حمایت نال خوارجی دہشت گرداں دا پورا خاتمہ کریسوں۔
