حکومت ملک اچ معاشی اتے سیاسی استحکام گھن آوݨ کیتے پرعزم ہے، آئی ایم ایف ایگزیکٹو بورڈ اجلاس دے بعد 1.1 ارب ڈالردی پہلی قسط پاکستان کوں مل ویسی مہانگ گھٹ ویسی، بلال اظہرکیانی دی نیوزکانفرنس

2025-03-06 17:38:33

لاہور۔9جولائی (اے پی پی):وزیراعظم دے رابطہ کار معیشت وتوانائی بلال اظہرکیانی آکھیے حکومت ملک اچ معاشی اتے سیاسی استحکام گھن آوݨ کیتے پرعزم ہے، آئی ایم ایف ایگزیکٹو بورڈ اجلاس دے بعد 1.1 ارب ڈالردی پہلی قسط پاکستان کوں مل ویسی مہانگ گھٹ ویسی ،سعودی عرب، یواے ای ، دوست ملکاں تے ݙو طرفہ وکثیرالجہتی شراکت داراں توں وی پاکستان دی معاونت شروع تھی ویسی جیں توں زرمبادلہ دے ذخائر ودھ ویسن، عمران خان 4 سال اچ ملک دی معیشت اتےگورننس کوں بھاہ لاتی تے نظام کوں کھوکھلاکرݨ دی سازش کیتی، موجودہ حالات اچ نوازشریف واحد شخصیت ہن جیڑھے نہ صرف ملک دے اندر بلکہ ٻاہروی سیاسی قدکاٹھ، صلاحیت اتے تجربہ رکھیندن جیڑھے ملک کوں موجودہ مشکل صورتحال توں کڈھ تے پائیداراقتصادی نمو اتے خوشحالی دے سفرتے ٹور سڳدن ، لاہور اچ نیوزکانفرنس توں خطاب کریندے ہوئیں بلال اظہرکیانی آکھیے 30 جون کوں وزیراعظم آئی ایم ایف نال 3 ارب ڈالردے سٹینڈبائی معاہدے دا اعلان کیتا جیں دی مدت 9 مہینے ہوسی ، وزیراعظم دیاں کوششاں توں اے معاہدہ تھئے جیں دا پوری قوم تے پاکستان دے ٻاہروں وی خیرمقدم کیتا ڳئے کیوں جو اے سݙی معیشت دی لوڑھ ہئی ۔

مضمون کا ماخذ : estatisticas lotomania

متعلقہ مضامین