اسلام آباد۔30نومبر (اے پی پی):سپیکر قومی اسمبلی راجہ پرویز اشرف اتے ڈپٹی اسپیکر زاہد اکرم درانی چین دے سابق صدر جیانگ زیمن دے انتقال تے چین دے عوام نال دلی تعزیت دا اظہار کیتے ۔ ٻدھ کوں آپݨے انڄ انڄ تعزیتی بیانات اچ سپیکر تے ڈپٹی سپیکر آکھیے جو سابق صدر جیانگ زیمن ھک ویژنری رہنما ہن جنہاں چین کوں اقتصادی طور تے مستحکم بݨاوݨ اچ اہم کردار ادا کیتے ۔ انہاں آکھیے سابق چینی صدر پاک چین تعلقات کوں مزید مضبوط بݨاوݨ اچ بامعنی کردار ادا کیتے۔ انہاں ایں ناقابل تلافی نقصان تے سابق چینی صدر دےخاندان تے چین دے عوام نال تعزیت تے ہمدری دا اظہار کیتے ۔
