اسلام آباد۔18اگست (اے پی پی):وفاقی وزیر منصوبہ بندی، ترقی ،اصلاحات وخصوصی اقدامات احسن اقبال آکھیے جو سی پیک پاکستان کیتے کامیاب منصوبہ اتے گیم چینجر اے،سی پیک دے تحت توانائی تے انفراسٹرکچر دے منصوبیں اچ چین مدد کرتے آئرن برادر ہووݨ دا ثبوت ݙتے ،معیشت کوں ریڈ زون توں کڈھݨ اچ کامیاب تھی ڳیوں ، ہݨ معاشی بحالی تے کم کریندے پیوں ،سخت چیلنجز دے باوجود اساں معاشی رکاوٹاں کوں پار لرہمدء پوئیں ملک کوں ترقی دے رستے ٹورݨ اچ کامیاب تھئے سے ، خود ساختہ فلسفیاں دی بݨائی ہوئی معاشی ناکامی دی داستان دم تروڑ ڳئی اے ، اے ڳالھیں انہاں خمیس کوں سی پیک دی تقریب توں خطاب کریندے ہوئیں آکھئن ۔ وفاقی وزیر آکھیے جو سی پیک پاکستان کیتے کامیاب تے گیم چینجرمنصوبہ اے، پاکستان 2014 اچ سی پیک دے تحت 29 ارب ڈالر دی سرمایہ کاری کوں ممکن کرتے دنیا کوں حیران کیتا ہئی ، انہاں آکھیے جو 2013 اچ 18توں 20 گھنٹے لوڈشیڈنگ ہئی،دہشت گردی عروج تے ہئی ، کوئی سرمایہ کار پاکستان نہ آوݨ چاہندا ہئی تاں چین آپݨے سرمایہ کاراں کوں اتھاں بھیج تے دوست ہووݨ دا ثبوت ݙتا ۔ چینی صدر دے دورے دے موقع تے 46ارب ڈالر دی سرمایہ کاری دے معاہدے کیتے۔ انہاں آکھیے ایں ویلھے وقت پاکستان بارے دنیا دی رائے بدل ڳئی اتے ارباں ڈالرز دی سرمایہ کاری آئی جیں توں توانائی دی کمی کوں پورا کرݨ اچ مدد ملی ۔
