اسلام آباد۔27جون (اے پی پی) وزیراعظم عمران خان آکھیا جو پاکستان اچ تاریخ دی ساریاں توں وݙی شجرکاری مہم شروع تھیندی پئی اے۔ اتوار کوں آپݨے ٹویٹ اچ وزیراعظم آکھیا جو انہاں دی خواہش اے جو سارے پاکستانی خصوصی طور نینگر شجر کاری مہم اچ حصہ گھنݨ سانڳے تیار رہون۔ وزیراعظم آپݨے ٹویٹ اچ دنیا دے مختلف ملکاں اچ آبادی دے تناسب نال درختاں دی تعاد دا چارٹ وی شیئر کیتا۔ جئیں دے مطابق دنیا اچ ہک انسان سانڳے 422 وݨ ہن جڈانجو پاکستان اچ اے تناسب صرف ہک اتے پنڄ دا اے۔ کینیڈا پہلے نمبر تے اے جتھاں ہک بندے دے مقابلے اچ ݙاہ ہزار 163 وݨ ہن۔ پاکستان تحریک انصاف دی حکومت ملک اچ شجرکاری اتے ماحولیات دی بہتری کوں ترجیح ݙتی اتے وزیراعظم عمران خان دے ویژن دے مطابق ملک اچ ݙاہ ارب وݨ لاوݨ دے منصوبے شروع کیتا ڳئے جئیں دے تحت ملک اچ ویلھے ویلھے نال موسم دی مناسبت نال شجرکاری مہم چلائی ویندی اے
